НЕ СУМ САМ – Шведскиот премиер откри кој му помага… и не е човек

Изјавата на премиерот Улф Кристерсон дека редовно се консултира со ChatGPT предизвика бурни реакции.

Експерти предупредуваат на ризик од прекумерна доверба во вештачка интелигенција и создавање „ехо-комора“ во политиката.

Професорката Вирџинија Дигнум порача: „Не сме гласале за ChatGPT“, а новинарката Сигне Кранц оцени дека чет-ботовите пишуваат што сакате да слушнете, не што треба.

Останува нејасно дали Кристерсон навистина се потпира на ВИ или станува збор за маркетинг потег, но дебатата за улогата на технологијата во владеењето е веќе отворена. Изјавата го отвори суштинското прашање: дали алатка создадена за генерирање уверлив текст е соодветен советник во сложениот свет на политиката?