НЕ СЕ СТРАНСКИ ДРЖАВЈАНКИ Пронајдени жените кои се изгубија кон Дрисла

Центарот за управување со кризи (ЦУК) соопшти дека двете жени кои претходно биле пријавени како исчезнати, се пронајдени на патот помеѓу скопските села Долно Количани и Батинци. Станува збор за државјанки на Македонија, а не за странски државјанки, како што првично беше објавено поради грешка во комуникацијата.

Жените се во добра здравствена состојба и со возило, во придружба на полицијата, веќе се упатуваат кон Драчево.

Претходно, преку бројот за итни повици 112, била добиена информација дека двете жени се изгубиле во реонот на патот кон Дрисла. ЦУК е во постојана комуникација со МВР и Полициската станица Драчево, од каде веднаш била упатена полицајска екипа на терен за да постапи по случајот.