НЕЈМАР ОСТАНУВА ВО СЕНКА НА МЕСИ И СУАРЕЗ Интер Мајами се фокусира на друга стратегија

Гласините за иднината на Нејмар продолжуваат да кружат, особено со оглед на тоа што неговиот договор истекува во декември 2025 година. Многумина се надеваа на повторно обединување на познатото напаѓачко трио „МСН“ во Интер Мајами, но изгледа дека тоа ќе мора да почека. Во последно време, дискусиите за трансфери во тимот на Дејвид Бекам се интензивираа, особено по повлекувањето на Серхио Бускетс и Жорди Алба.

Очекувањата беа високи, а многумина веруваа дека Интер Мајами ќе се обиде да го доведе Нејмар, враќајќи го до неговите поранешни соиграчи и пријатели, Лионел Меси и Луис Суарез. Но, според информации од шпанскиот весник „Спорт“, таквото обединување не е на повидок. Раководството на клубот од Флорида донесе одлука да не го ангажира бразилскиот напаѓач во јануари следната година.

И покрај потенцијалното медиумско внимание и интересот што би го генерирало повторното собирање на триото, спортското раководство на Интер Мајами се фокусира на фудбалските потреби на тимот. Приоритетот е да се зајакнат клучните позиции пред почетокот на сезоната 2026, особено во одбраната и во нападот, каде што е потребно донесување на играчи со различни карактеристики. Нејмар, за сега, останува надвор од плановите на Интер Мајами.