НАТО ПОД ЗАКАНА – Трамп најавува модел „плати за да играш“

Американскиот претседател Доналд Трамп разгледува можност за реорганизација на НАТО, воведувајќи модел „плати за да играш“. Според овој пристап, сојузниците кои не ги исполнуваат финансиските обврски кон САД би можеле да го изгубат правото да учествуваат во одлуки за мисии, проширување на НАТО или активирање на Член 5.

Во моментов, сите членки на НАТО трошат најмалку два процента од БДП за одбрана, а некои, како Велика Британија, се обидуваат да достигнат повисоко ниво на финансирање.

Трамп, исто така, размислува за повлекување на американските трупи од Германија и нивно пренасочување кон Блискиот Исток, вклучувајќи можна копнена операција против иранскиот нафтен терминал Харг. Пентагон веќе го известил Конгресот за планот да се пренасочат околу 750 милиони долари од програмата поддржана од НАТО во Киев за обновување на американскиот арсенал.

Претседателот изразил фрустрација поради одбивањето на некои сојузници да испратат воени бродови во Ормутскиот теснец и планира дополнително да испрати 10.000 војници, борбени авиони и оклопни единици во регионот.

„Фрустрацијата со Европејците беше многу реална. Секоја земја која не ги плаќа петте проценти не треба да има право да гласа за идните трошоци во НАТО“, изјавил извор од администрацијата.

Односот на Трамп со британскиот премиер Кир Стармер, исто така, се влошил откако Велика Британија им спречила на САД да ја користат воената база Диего Гарсија на островите Чагос.

„Ова беше тест за НАТО… Никогаш не заборавајте“, додал претседателот.