НАПАД ВО СРЦЕТО НА ИЗРАЕЛСКАТА БЕЗБЕДНОСТ Иран ја погоди зградата на Мосад
Овој напад доаѓа по големата израелска воена операција со кодно име „Разбуден лав“, започната на 13 јуни, чија цел беше уништување на објекти поврзани со иранската нуклеарна програма.
Ирански воени сили во вторникот извеле напад врз зграда поврзана со израелската разузнавачка служба Мосад, лоцирана во крајбрежниот град Херцлија, пренесе иранската новинска агенција Тасним.
Паралелно, медиумот SNN објави дека ракетно-логистичкиот центар на израелската воена разузнавачка служба се наоѓа во базата Глилот, сместена во близина на Тел Авив.
Овој напад доаѓа по големата израелска воена операција со кодно име „Разбуден лав“, започната на 13 јуни, чија цел беше уништување на објекти поврзани со иранската нуклеарна програма.
Во рамки на таа офанзива, израелските воздухопловни сили извршија серија воздушни напади на различни локации низ Иран, вклучително и во главниот град Техеран. Според извештаи, во тие напади биле елиминирани високи членови на Револуционерната гарда, како и неколку научници вклучени во иранските нуклеарни проекти.
