МВР И СЛУЖБЕН ВЕСНИК СО НОВА ДИГИТАЛНА ВРСКА – побрза постапка за изгубени документи

Министерството за внатрешни работи (МВР) ја модернизира процедурата за пријавување и објавување на изгубени или украдени документи, воведувајќи ново веб-решение кое ќе овозможи побрза и поефикасна размена на податоци со Службен весник.

Со новиот систем, Службен весник автоматски ќе ги презема пријавените документи за објавување како неважечки, а МВР ќе ги ажурира во својот интерен систем.

Оваа дигитализација го скратува времето за обработка и овозможува граѓаните побрзо да извадат нови документи.