МИСТЕРИОЗНО ИСЧЕЗНУВАЊЕ НА ТРИ ДЕЦА ВО СИСАК Полицијата апелира за помош

Три малолетни лица исчезнаа во Сисак. Според информациите на полицијата, Патрик Јантолек (2009) и братот и сестрата Адријано Оречиќ (2011) и Кјара Оречиќ (2012) во средата го напуштиле семејниот дом во непознат правец.

Полицијата апелира до граѓаните, доколку располагаат со какви било информации за исчезнатите, да ја контактираат најблиската полициска станица или да се јават на бројот 192. Податоци може да се испратат и на е-пошта: nestali@nestali.hr.

Патрик има кафеава коса и кафени очи. Кјара е висока околу 160 см, слаба, со кафеава коса и очи. Нејзиниот брат Адријано има руса коса и сини очи, слаб е и висок приближно 180 см.

Мајките на исчезнатите тинејџери се огласија за медиумите.

„Мајката на Кјара ми се јави и ми рече дека не може да стапи во контакт со неа ниту со нејзиниот брат. Ме замоли да го контактирам Патрик, бидејќи претпоставуваше дека можеби се заедно. Кјара и Патрик се во врска. Последните пораки што ми ги испрати Патрик беа кратки и формални, само ‘да’ и ‘не’. Тоа беше во средата наутро. Оттогаш нема никаква трага од нив,“ изјави за Dnevnik.hr Ана Мари Матејаш, мајката на Патрик.

Мајката на Кјара и Адријано исто така верува дека децата се заедно.