МИРНО ИЛИ СО СИЛА – Русија ќе ги оствари своите цели
Нацрт-договорот од Вашингтон е основа за преговори, но Москва го држи својот став
Портпаролот на рускиот претседател, Дмитриј Песков, денеска предупреди дека доколку Русија не успее мирно да ги оствари своите цели во Украина, „специјалната воена операција ќе продолжи“.
„Доколку не можеме мирно да го решиме проблемот и да ги постигнеме нашите цели, ќе продолжиме со нашите активности и ќе направиме сè што е потребно за да ги заштитиме нашите интереси. Воената операција ќе продолжи“, рече Песков во интервју за Russia Today.
Тој истакна дека руските вооружени сили постигнале позитивен напредок на терен и дека Москва се надева дека процесот на преговори за украинското решение ќе „добие моментум“. Според него, темпото на преговорите за предлозите на САД треба да се забрза.
Песков додаде дека Русија е подготвена да започне сериозна работа врз основа на нацрт-договорот од Вашингтон, а ставот на Москва останува непроменет по договорите постигнати на самитот Русија-САД во Анкориџ.
„Ставот на Москва е јасен и разбирлив, и не се очекуваат промени. Сепак, подготвени сме да покажеме флексибилност за да се најде решение“, заклучи Песков.
