МИНИСТЕРКАТА ЈАНЕВСКА ПРЕСЕЧЕ – Учебната година започнува на 20 јануари
Наставата ќе се одвива непрекинато, освен во случаиј со одлука од државата
Учебната година во сите основни и средни училишта низ државата ќе започне на 20 јануари, потврди денеска министерката за образование и наука, Весна Јаневска, за време на посетата на Универзитетот „Гоце Делчев“ во Штип.
Според неа, Министерството за здравство и Институтот за јавно здравје дале процена дека нема пречки за отпочнување на наставата.
„Ги повикувам учениците редовно да присуствуваат на часовите, бидејќи сите анализи покажуваат дека редовноста носи подобри резултати“, изјави Јаневска.
Министерката апелира и до родителите да ја прекинат праксата на оправдување отсуства без потреба и да не ги планираат семејните одмори во текот на учебната година. Како што истакна, децата треба да бидат на училиште од првиот до последниот ден, освен ако државата не процени дека поради повисоки причини наставата треба да се прекине.
