МИЦКОСКИ: ТРАНСПОРТОТ И ОВОШЈЕТО ГЛАВНИ ГЕНЕРАТОРИ НА ИНФЛАЦИЈАТА – Анализите за мерки во тек

Премиерот Христијан Мицкоски изјави дека најголем придонес кон високата инфлација имаат транспортните услуги, како и цените на јаболките, лимоните и бананите.

Анализите за можните мерки сè уште траат, а според него, зголемените плати и пензии ја зголемуваат побарувачката, што ги тера добавувачите да ги качуваат цените.

Во јули инфлацијата достигна 4,8 % на годишно ниво, со најголемо зголемување кај транспортот – околу 10 %. Мицкоски нагласи дека просечната плата расте побрзо од инфлацијата и дека Владата постигнала договор за зголемување на платите во сите институции.