МЕРЦ ЗА ИДНИНАТА НА ЕУ – Или ќе бидеме силен актер или играчка на суперсилите
Канцеларот Мерц од Загреб порачува дека Европа треба да верува во себе и да ја брани својата улога во светот.
Германскиот канцелар Фридрих Мерц предупреди дека ЕУ, ако не игра активна улога, може да стане играчка на големите сили.
„Пред нас е одлучувачко прашање: дали сакаме да имаме активна улога во светот или да станеме играчка на суперсили. Јас се залагам да бидеме силни, да веруваме во себе и да можеме да се бориме за нашите интереси“ – рече Мерц во интервју за HRT за време на неговата посета на Хрватска, каде учествуваше на неформален состанок на Европската народна партија (ЕПП) во Загреб.
Тој истакна дека Европа денес зборува многу повеќе за заедничка одбрана отколку порано и дека за тоа се потребни три предуслови: одбранбена способност, конкурентност и решителност на земјите-членки.
Мерц додаде дека новите геополитички околности би можеле да ја забрзаат европската интеграција и проширување на ЕУ, но засега нема конкретно решение. Тој смета на советот на хрватскиот премиер за регионалните прашања.
Во врска со енергијата, Мерц изјави дека жали што Германија се откажала од нуклеарната енергија и од рускиот гас, но дека земјата сега се фокусира на обновливи извори како ветер и сончева енергија. Тој истакна дека и понатаму ќе им биде потребен гас и дека регионот на Централна и Источна Европа игра важна улога во снабдувањето.