МАКЕДОНИЈА ВО ЦЕНТАРОТ НА МЛАДИНСКИОТ СПОРТ: Отворени Игрите ЕМОФ 2025
Од вечерва, Македонија е домаќин на Европскиот Младински Олимписки Фестивал (ЕМОФ) 2025, еден од најзначајните спортски настани за млади спортисти во Европа. Со свечена церемонија во арената „Јане Сандански“, Скопје официјално ги пречека учесниците и гостите од целиот континент. Фестивалот ќе трае седум дена и ќе се одвива на спортски локации во Скопје и Куманово, вклучувајќи натпреварувања во 15 различни спортски дисциплини. На свеченото отворање, претседателката Гордана Силјановска-Давкова се обрати пред преполната сала, изразувајќи голема чест и одговорност што Македонија е земја-домаќин на ова големо спортско случување. „Ова е врвен спортски чин, симбол на младост и витештво во натпреварувањето. Храбро го прифативме предизвикот да го организираме овој настан. Посакувам да ја оправдаме укажаната доверба. Верувам дека како држава уште еднаш ќе покажеме дека сме добри домаќини и дека имаме публика која знае и да наградува,“ истакна претседателката, која свечено ги прогласи Игрите за отворени. На натпреварувањето ќе учествуваат вкупно 4.000 спортисти од цела Европа. Во величественото дефиле на делегации, македонскиот тим беше последен и најгласно поздравен од публиката. Нашата делегација брои 203 членови – спортисти, тренери и официјални претставници. Симболично, во салата беше внесен и Пламенот на мирот и пријателството – прв го носеше олимпиецот Дејан Георгиевски, додека на тврдината Кале пламенот го запали атлетичарот Дарио Ивановски. Игрите ЕМОФ 2025 се одлична можност за промоција на Македонија не само како спортска дестинација, туку и како земја на гостопримство, култура и европски вредности. Очекувањата се дека настанот ќе привлече големо внимание и позитивни впечатоци од сите учесници и посетители.
Од вечерва, Македонија е домаќин на Европскиот Младински Олимписки Фестивал (ЕМОФ) 2025, еден од најзначајните спортски настани за млади спортисти во Европа. Со свечена церемонија во арената „Јане Сандански“, Скопје официјално ги пречека учесниците и гостите од целиот континент.
Фестивалот ќе трае седум дена и ќе се одвива на спортски локации во Скопје и Куманово, вклучувајќи натпреварувања во 15 различни спортски дисциплини.
На свеченото отворање, претседателката Гордана Силјановска-Давкова се обрати пред преполната сала, изразувајќи голема чест и одговорност што Македонија е земја-домаќин на ова големо спортско случување.
„Ова е врвен спортски чин, симбол на младост и витештво во натпреварувањето. Храбро го прифативме предизвикот да го организираме овој настан. Посакувам да ја оправдаме укажаната доверба. Верувам дека како држава уште еднаш ќе покажеме дека сме добри домаќини и дека имаме публика која знае и да наградува,“ истакна претседателката, која свечено ги прогласи Игрите за отворени.
На натпреварувањето ќе учествуваат вкупно 4.000 спортисти од цела Европа. Во величественото дефиле на делегации, македонскиот тим беше последен и најгласно поздравен од публиката. Нашата делегација брои 203 членови – спортисти, тренери и официјални претставници.
Симболично, во салата беше внесен и Пламенот на мирот и пријателството – прв го носеше олимпиецот Дејан Георгиевски, додека на тврдината Кале пламенот го запали атлетичарот Дарио Ивановски.
Игрите ЕМОФ 2025 се одлична можност за промоција на Македонија не само како спортска дестинација, туку и како земја на гостопримство, култура и европски вредности. Очекувањата се дека настанот ќе привлече големо внимание и позитивни впечатоци од сите учесници и посетители.
