МАКЕДОНИЈА СО НОВ ОБВИНИТЕЛ – Собранието го избра Савески за нов државен обвинител

Собранието на 94. седница го избра Ненад Савески за нов државен јавен обвинител. За него гласаа 66 пратеници, двајца беа против, а осум се воздржаа.

Савески е судија во Основниот кривичен суд – Скопје, магистер по казнено право, со богат професионален и академски ангажман. Работел како јавен обвинител, судски приправник и експерт за меѓународни проекти во ОБСЕ, Советот на Европа и УСАИД.

Власта ја истакна неговата професионалност и искуство, додека опозицијата предупреди на можност за партизација на обвинителството.