МАКЕДОНИЈА СО НАЈВИСОКА НЕТО-ПЛАТА ДОСЕГА – Просечната нето-плата во април достигна 45.452 денари

Според најновите податоци на Државниот завод за статистика, просечната месечна исплатена нето-плата по вработен во април 2025 година изнесувала 45.452 денари, што претставува зголемување од 10,6% во однос на истиот месец лани.

Зголемувањето главно произлегува од растот на платите во неколку клучни сектори. Највисок пораст е забележан во:

• Здравствена и социјална заштита – пораст од 14,7%

• Образование – пораст од 14,4%

• Административни и помошни услужни дејности – пораст од 13%

Во споредба со март 2025, исто така е евидентиран месечен пораст на платите во следниве сектори:

• Информации и комуникации – +4,2%

• Административни и помошни услужни дејности – +3,9%

• Здравствена и социјална заштита – +3,8%

Дополнително, просечната месечна бруто-плата за април 2025 изнесува 68.294 денари.