МАГЛАТА ЌЕ СЕ ЗАДРЖИ Од среда се очекува дожд и снег

Маглата ќе продолжи да се задржува во котлините и во следните неколку денови. Од среда се очекува подобрување на времето, со врнежи од дожд и снег на повисоките места, како и слаб до умерен ветер, информираат од Управата за хидрометеоролошки работи. Температурите ќе останат релативно високи за овој период од годината, со утрински вредности од -2 до 7°C и дневни до 10°C.

До вторник ќе има стабилно и мирно време. Во некои котлини ќе се појави магла и зголемена облачност. Од вторник попладне и во наредните денови се очекуваат повремени локални врнежи од дожд, на некои места и пообилни. Поради спуштање на постуден воздух од север, на планините и на повисоките места врнежите ќе преминуваат во снег.