ЛОКАЛНИ ИЗБОРИ – Регистрирани 246 портали, 33 телевизии и 42 радиостаници за платено политичко рекламирање
За платено политичко рекламирање ќе се издвојат 397,7 милиони денари (околу 6,5 милиони евра), што претставува 66% од вкупниот буџет на ДИК за изборите, кој изнесува 600,5 милиони денари (околу 9,76 милиони евра).
Државната изборна комисија (ДИК) регистрираше вкупно 321 медиум за платено политичко рекламирање за локалните избори 2025 година – 33 телевизии, 42 радиостаници, осум печатени медиуми и 246 интернет портали.
Од пристигнати 352 барања, 22 се одбиени како неуредни, меѓу кои две телевизии, пет радиостаници, еден печатен медиум и 15 интернет портали.
За платено политичко рекламирање ќе се издвојат 397,7 милиони денари (околу 6,5 милиони евра), што претставува 66% од вкупниот буџет на ДИК за изборите, кој изнесува 600,5 милиони денари (околу 9,76 милиони евра).
„До ДИК беа доставени 352 барања и 399 ценовници. По разгледување, запишани се 321 медиум, а одредени барања беа одбиени како ненавремени или неуредни“, изјави членката на ДИК, Светлана Карапетрова.
Првиот круг на локалните избори ќе се одржи на 19 октомври, а вториот на 2 ноември.
