ЛАВРОВ СО НУКЛЕАРНО ПРЕДУПРЕДУВАЊЕ Американско-израелските напади врз Иран може да поттикнат нуклеарна пролиферација, наместо да ја спречат

Тврдењата на Вашингтон дека ја брани неширењето на нуклеарно оружје не држат вода, смета рускиот шеф на дипломатијата.

Американско-израелскиот напад врз Иран би можел да поттикне нуклеарна пролиферација, предупреди рускиот министер за надворешни работи Сергеј Лавров.

Вашингтон и Западен Ерусалим соопштија дека заедничкиот напад во саботата бил изведен со цел да се спречи Иран да дојде до нуклеарно оружје, повторувајќи го оправдувањето што го користеа и за минатогодишниот напад врз иранските нуклеарни постројки.

Во вторникот, Лавров го критикуваше Стив Виткоф, специјалниот пратеник на американскиот претседател Доланд Трамп, поради неговата изјава дека инсистирањето на Иран на правото на збогатување ураниум е неприфатливо. Виткоф за „Фокс њуз“ изјави: „Секако одговоривме дека претседателот смета оти имаме неотуѓиво право да ве запреме во вашите намери.“

„Ако се турка оваа логика, гарантирам дека во Иран ќе се појават моќни сили кои ќе го бараат токму она што САД сакаат да го спречат – создавање нуклеарна бомба, бидејќи државите што имаат нуклеарно оружје не се напаѓаат од САД“, изјави Лавров.

Правото на Иран на мирољубива нуклеарна програма, вклучително и збогатување ураниум, е признаено со Договорот за неширење на нуклеарно оружје, кој дозволува такви активности под надзор на Меѓународната агенција за атомска енергија.

„Во навидум парадоксален пресврт, прогласената благородна цел за спречување на нуклеарна пролиферација преку војна може да го поттикне спротивниот тренд“, рече Лавров.

Тој додаде дека странски дипломати му посочиле дека судбината на либискиот лидер Муамер Гадафи – кој се откажа од својата нуклеарна програма, а потоа беше соборен и убиен во востание поддржано од НАТО во 2011 година – претставува силен аргумент во прилог на нуклеаризација.

Иран тврди дека оружјето за масовно уништување е забрането според исламот. Врховниот лидер Али Хаменеи, кој беше убиен во почетната фаза од тековните непријателства, во 1990-тите издаде верска одлука (фатва) против нуклеарното оружје. Техеран ги негира израелските тврдења дека тајно се стреми кон нуклеарни капацитети спротивно на таа фатва.