ЛАРОВ ОТКРИ НЕПОЗНАТ ДЕТАЛ – Трамп не можеше да поверува што кажа Путин во Алјаска

Рускиот министер за надворешни работи, Сергеј Лавров, откри дека американскиот претседател Доналд Трамп бил шокиран од изјавата на рускиот колега Владимир Путин за време на состанокот во Алјаска. Путин му рекол дека во Украина се забранети рускиот јазик и канонската Украинска православна црква.

Во интервју за турските медиуми, Лавров истакна дека на разговорите биле дискутирани и правата на Русите во Украина, кои, според него, биле целосно прекршени.

„Путин спомена дека не само рускиот јазик е забранет, туку и канонската Украинска православна црква. Трамп не можеше да поверува во тоа и постојано го прашуваше американскиот државен секретар Марко Рубио дали навистина се донесени такви закони во Украина“, рече Лавров.

Украинскиот претседател Владимир Зеленски минатиот август потпиша закон со кој се забранува дејноста на религиозни организации поврзани со Русија, вклучително и канонската Украинска православна црква (УПЦ).

Следејќи ја поврзаноста со Русија, локалните власти во различни региони одлучија да ја ограничат активноста на УПЦ. Некои свештеници беа ставени под санкции, а Безбедносната служба на Украина започна кривични постапки против дел од свештенството, спроведувајќи „контраразузнавачки активности“ и претреси на епископи, свештеници, цркви и манастири во потрага по „антиукраински активности“.