ЛАГА ЗА РЕЈТИНГ Градот имал питка вода, а жителите биле плашени
Според пресудата, водата во Струмица е „чиста, питка и биохемиски исправна“. Костадинов најави дека општината ќе поднесе кривична пријава против директорот на АХВ за предизвикување страв и паника.
Судот донесе правосилна пресуда со која се потврдува дека водата за пиење во Струмица била исправна, и покрај тврдењата на Агенцијата за храна и ветеринарство (АХВ) дека била опасна за употреба. Градоначалникот на Струмица, Костадин Костадинов, ја сподели оваа пресуда на својот Фејсбук-профил, обвинувајќи ја АХВ за ширење лажни информации и предизвикување страв кај граѓаните.
„Цела година АХВ лажеше дека водата е неисправна, иако била сосема чиста и безбедна за пиење. Наместо грижа за граѓаните, се ширеше паника со единствена цел – политички поени“, напиша Костадинов, цитирајќи го премиерот Мицкоски: „На лагата ѝ се кратки нозете“.
Градоначалникот додаде дека партијата ВМРО-ДПМНЕ била подготвена да остави цел град без вода само за да предизвика вештачка криза што ќе ја искористи политички.
„За рејтинг, спремни се да ги лажат луѓето дека не треба да пијат вода. Срам, мизерија и ниски страсти“, истакна тој.
Според пресудата, водата во Струмица е „чиста, питка и биохемиски исправна“. Костадинов најави дека општината ќе поднесе кривична пријава против директорот на АХВ за предизвикување страв и паника.
Инаку, во периодот од крајот на септември до крајот на октомври 2024 година, водата за пиење во Струмица беше забранета за употреба поради зголемено присуство на манган и отстапување од стандардите за квалитет на вода.
