КАТАСТРОФАЛЕН ФИНИШ НА МЕЧОТ ВАРДАР БАШКИМИ – Насилство наместо спорт
Инцидентите потсетуваат колку е важна дисциплината и безбедноста во спортот.
Денешниот дуел од 19. коло на ПМФЛ помеѓу Вардар и Башкими, одигран на комплексот „Петар Милошевски“ во Скопје, заврши со победа на домаќинот со 1:0. Меѓутоа, она што го остави најголем впечаток не беше резултатот, туку катастрофалниот финиш и насилничкото „трето“ полувреме далеку од спортскиот дух кој сите би го посакувале.
Спорната ситуација во завршницата на мечот, која ФФМ веднаш по натпреварот ја објасни и прецизира, беше повод за првиот напад врз домашниот играч Бобан Николов. Вербалниот напад предизвика негово реагирање, по што мечот беше прекинат десет минути.
Дуелот продолжи во мирна атмосфера, но инцидентите се преселија надвор од теренот и на паркингот пред комплексот. Гостинскиот табор, очигледно незадоволен од поразот, се обиде да се пресмета со домашните играчи, полицијата и присутните, без разлика на целта или средствата. Бобан Николов повторно беше нападнат вербално, додека полицијата се обидуваше да ја задржи ситуацијата под контрола.
Видеото објавено од медиумите јасно покажува колку може некој да се однесува дивјачки и неконтролирано, без никаква причина. Вардар не направи ништо што би го заслужило ваквиот однос од гостите.
Што се однесува до црвениот картон на Реџеп Мурати, дефанзивецот на Башкими беше исклучен поради тоа што плукнал кон главниот судија Ќерими. Дури и ако некој мисли дека исклучувањето било неправилно, тоа не оправдува ниту прекин, ниту инциденти, ниту физички напади.
Каде, во светот во 2026 година, во прволигашка фудбалска конкуренција, некој има право да нападне домашни играчи или клуб? Токму ваквите сценарија покажуваат колку е важна дисциплината, почитта и безбедноста во спортот.
