КАЛЕНИУС ПРЕДУПРЕДУВА: Европската автомобилска индустрија се соочува со големи предизвици

Извршниот директор на Мерцедес-Бенц, Ола Калениус, ја изрази загриженоста за иднината на европската автомобилска индустрија, која е под притисок од кинеската конкуренција, трговски царини од САД и строгите регулативи за електрификација до 2035 година.

Во интервју за Ханделсблат, Калениус нагласи дека „нашата индустрија доживува обилни дождови, град, бури и снег во исто време“ и предупреди дека производството на автомобили е „тешко повеќе од кога било“. Тој повика на даночни олеснувања и пониски цени на електричната енергија за да се поттикне преминот кон електрични возила и да се заштити конкурентноста на европските производители на глобалниот пазар.

Калениус истакна дека сегашната сложена економска и регулаторна околина бара итни политички мерки за стабилност и успешен премин кон зелена мобилност, предупредувајќи дека недостигот од решителност може да ги ослаби европските позиции во светот.