КАЛАС ИЗНЕНАДУВАЧКИ КОНТРА САД И ИЗРАЕЛ – ЕУ бара проширување на примирјето и на Либан
Калас повикува на проширување на примирјето и на Либан пред да биде предоцна.
Високата претставничка на Европската Унија за надворешна политика и безбедност, Каја Калас, изрази загриженост поради ескалацијата на конфликтот во Либан и истакна дека прекинот на огнот меѓу САД и Иран треба да се прошири и на Либан.
„Дејствијата на Израел го ставаат примирјето меѓу САД и Иран под голем притисок. Поради тоа, прекинот на огнот во Иран треба да се прошири и на Либан“, изјави Калас на платформата x.
Таа додаде дека правото на Израел на самоодбрана не го оправдува масовното уништување.
„Хезболах го вовлече Либан во конфликтот, но тоа не ја оправдува Израелската интенција за предизвикување масовно уништување. Стотици луѓе загинаа во израелските напади синоќа, што ги отежнува обидите да се оправдаат таквите акции како самоодбрана“, нагласи Калас.