ИСТОРИСКА ПРЕСВРТНИЦА По 1.400 години, првпат жена ја предводи Англиканската црква
Англиканската црква брои повеќе од 85 милиони следбеници во 165 земји. Премиерот Кир Стармер ја поздрави Мулали и ѝ посака успех во нејзината нова улога.
По 1.400 години постоење на Англиканската црква, за прв пат жена ќе застане на нејзиното чело. Сара Мулали (63) е назначена за следен надбискуп на Кентербери, со што станува првата жена во историјата што го зазема ова престижно место.
Нејзиното назначување е голема пресвртница за црквата, која воведе први жени свештенички во 1994 година, а првата жена епископ беше назначена во 2015 година. Мулали доаѓа по 105 машки надбискупи од основањето на црквата од Свети Августин во 597 година.
Таа официјално ќе биде востоличена на церемонија во катедралата во Кентербери во јануари, на која ќе присуствува и кралското семејство. Крал Чарлс III ја одобри нејзиното назначување и ѝ честиташе, истакнувајќи ја важноста на нејзината улога на глобално ниво.
Англиканската црква брои повеќе од 85 милиони следбеници во 165 земји. Премиерот Кир Стармер ја поздрави Мулали и ѝ посака успех во нејзината нова улога.
Пред да стане надбискуп, Мулали беше епископ на Лондон, а претходно беше главна медицинска сестра на Велика Британија, специјализирана за онкологија. Таа ја носи титулата „Дам“, еквивалентна на витештвото „Сера“ за мажи. Нејзиното теолошко образование го стекнала на Југоисточниот институт за теолошко образование, по студиите на Универзитетот Саут Бенк и колеџот Хејтроп во Лондон.
Назначувањето на Мулали доаѓа скоро една година откако надбискупот Џастин Велби поднесе оставка поради скандал поврзан со заштита на жртвите. Таа ќе се соочи со предизвици, вклучувајќи поделби во црквата околу правата на жените и ЛГБТ заедницата, како и скандали за сексуална злоупотреба кои ја оптоваруваат институцијата повеќе од една деценија.
Во своите денешни изјави, Мулали се осврна на миграцијата и еутаназијата, истакнувајќи дека се против нив. Во врска со вчерашниот терористички напад врз синагогата во Манчестер, таа истакна дека Англиканската црква „има одговорност да застане на страната на еврејската заедница против антисемитизмот“ и дека „не смееме да дозволиме омразата и расизмот да не поделат“.
