ИСТАНБУЛСКИОТ ЕКОНОМСКИ СОВЕТ 2025 Нова рамнотежа и глобална соработка
Министерката за финансии Гордана Димитриеска-Кочоска денеска и утре учествува на Истанбулскиот економски самит 2025, каде што присуствуваат високи претставници на влади, меѓународни организации, бизнис-секторот и академската заедница.
Таа ќе има воведно обраќање на тема „Нова рамнотежа и глобална соработка“, со акцент на актуелните економски предизвици и потребата од силни и отпорни партнерства. Утре ќе зборува и на панел-дискусијата за глобалните финансии, дигиталните валути и економските партнерства.
Самитот е фокусиран на одржлив раст, економска соработка, зелена економија, енергетика, финансии и дигитална трансформација. Министерството за финансии наведува дека учеството на министерката ќе овозможи размена на искуства со водечки глобални економски и политички актери.
CATEGORIES Бизнис