ИРАН МУ РЕЧЕ НЕ НА ТРАМП – Никогаш нема да склучиме договор со вас

Потполковник Ебрахим Золфакари од Централната команда на Хатам ал-Анбија денес порача до Соединетите Американски Држави дека Иран нема да прифати каков било договор со нив.

Тој истакна дека „стратешката моќ со која се фалеше непријателот се претвори во стратешки пораз“ и предупреди:

„Не го нарекувајте вашиот пораз договор“.

Изјавата дојде откако претседателот Доналд Трамп отфрли ултиматум за напад на иранските електрани, по предупредувањето од Техеран дека тогаш сите енергетски капацитети во регионот би можеле да бидат цел на одмазда.

Золфакари додаде дека „ерата на американските ветувања е завршена“ и дека сега постојат „само два фронта во светот, вистина и лага“. Тој ги критикуваше и внатрешните несогласувања меѓу противниците на Иран, прашувајќи дали тие „достигнале ниво на преговори со сами себе“.

Во однос на регионалната економија, Золфакари оцени дека претходните нивоа на американски инвестиции и цени на енергијата нема да се вратат, додавајќи дека стабилноста во регионот е обезбедена со „силната рака на иранските вооружени сили“.

Тој заклучи:

„Нашиот прв и последен збор од самиот почеток беше и останува: некој како нас нема да се согласи со некој како вас ни сега, ни никогаш.“