ИРАН СЕ ИЗВИНИ – Нема повеќе да напаѓаме во соседните земји
Привремениот совет одлучи напади да се извршуваат само ако дојдат од територијата на соседите
Привремениот административен совет на Иран вчера донесе одлука дека земјата повеќе нема да извршува напади врз соседните држави, освен ако нападите врз Иран не потекнуваат од нивна територија, изјави претседателот Масуд Пезешкијан за медиумите.
Во официјално соопштение, тој исто така се извини на соседните земји за нападите што се случија во последните денови. Новинската агенција Мизан го цитираше:
„Привремениот административен совет вчера одлучи да не извршува напади ниту да лансира ракети против соседните земји, освен во случај тие да извршат напади врз Иран.“
На 28 февруари, САД и Израел извршија напади на цели во Иран, вклучувајќи го и Техеран, што предизвика штети и цивилни жртви. Во нападот беше убиен врховниот лидер на Иран, ајатолахот Али Хамнеи, а земјата прогласи 40-дневна жалост.
По овие настани, Иран возврати со напади врз израелска територија и американски воени објекти на Блискиот Исток.
