ИНДИЈА МЕНУВА КУРС – Ја запира руската нафта, ќе купува од САД

Соединетите Американски Држави и Индија ја објавија рамката за привремен трговски договор, со кој двете земји ја потврдуваат својата посветеност на преговори за поширок билатерален трговски договор.

„САД и Индија веднаш ќе ја спроведат оваа рамка и ќе работат на финализирање на привремениот договор, со цел склучување на заемно корисна БТА според договорениот план за пат,“ се наведува во заедничкото соопштение на двете земји.

Овој привремен договор следи по објавата на американскиот претседател Доналд Трамп за договор со Индија, со кој се намалуваат американските тарифи за индиските стоки од 50% на 18% во замена за тоа Индија да ги запре купувањата на руска нафта и да ги намали трговските бариери.

Се очекува Вашингтон и Њу Делхи да потпишат формален трговски договор во март, по што Индија ќе ги намали тарифите за американските стоки, изјави индискиот министер за трговија, Пијуш Гојал.

Трамп договорот го објави на социјалните медиуми по телефонски разговор со индискиот премиер Нарендра Моди, истакнувајќи дека Индија ќе купува нафта од САД, а потенцијално и од Венецуела. Исто така, Трамп потпиша извршна наредба со која се укинува 25% казнена царина за увозот од Индија поради нејзините купувања на руска нафта.