ИНДИЈА И КИНА ПОСТИГНАА СПОГОДБА ЗА ЗАСИЛЕНА ТРГОВСКА СОРАБОТКА – Обнова на авиолиниите и намалување на военото присуство по должината на Хималаите
Договорот е постигнат по посетата на кинескиот министер за надворешни работи Ванг Ји во Њу Делхи, каде што се сретна со премиерот Нарендра Моди и советникот за национална безбедност Аџит Довал.
Индија и Кина се договорија да ги нормализираат односите нарушени од конфликтот во 2020 година. Спогодбата предвидува повторно воспоставување директни авионски линии, интензивирање на трговијата и инвестициите, како и повлекување дел од војската на Хималаите.
Договорот е постигнат по посетата на кинескиот министер за надворешни работи Ванг Ји во Њу Делхи, каде што се сретна со премиерот Нарендра Моди и советникот за национална безбедност Аџит Довал. Двете страни ќе формираат работна група за граничните прашања, а нова рунда разговори ќе се одржи во Кина во 2026 година.
Моди истакна дека стабилни односи меѓу Индија и Кина ќе придонесат за регионален и глобален мир, а Ванг нагласи дека довербата и дијалогот се клуч за зајакнување на соработката.
