ИМЕНДЕН НА АРХИЕПИСКОПОТ СТЕФАН Прием во резиденцијата на поглаварот на МПЦ-ОА
На свечениот прием во резиденцијата на поглаварот поканет е државниот врв и високи црковни претставници
Поглаварот на Македонската православна црква-– Охридска архиепископија (МПЦ-ОА), архиепископот г.г. Стефан, денеска традиционално приредува свечен прием во својата резиденција по повод својот именден.
Од Кабинетот на поглаварот информираат дека на настанот се поканети носителите на највисоките државни функции, меѓу кои претседателката Гордана Сиљановска Давкова, претседателот на Собранието Африм Гаши и премиерот Христијан Мицкоски.
Покрај државниот врв, на приемот ќе присуствуваат и високи претставници на МПЦ-ОА, меѓу кои митрополитот Брегалнички Иларион и митрополитот Тетовско-гостиварски Јосиф.
Именденот на архиепископот се одбележува на денот кога Црквата го празнува Светиот првомаченик и архиѓакон Стефан, првиот христијански маченик кој пострадал за верата во Христа.
