HUAWEI ЈА ПРЕТСТАВИ MATE 80 СЕРИЈАТА ВО КИНА Телефоните работат на Kirin чипови
Заедно со серијата дебитира и преклопниот Mate X7 со IP59 заштита.
Huawei ја претстави серијата Mate 80 во Кина, а најмногу внимание привлече Mate 80 Pro Max со импресивна максимална осветленост од 8.000 нити. Заедно со серијата дебитира и преклопниот Mate X7 со IP59 заштита.
Pro Max има 6,9-инчен OLED екран, значително посветол од конкурентите, иако овие екстремни вредности важат само за мал дел од екранот во посебни сценарија. Сите модели преминуваат на рамни екрани и остри рабови и добиваат препознатлив кружен дизајн на задната страна.
Телефоните работат на Kirin чипови, а најсилната конфигурација нуди до 20 GB RAM кај моделот Mate 80 RS Ultimate Design. Батеријата на Pro Max е 6.000 mAh, што е умерено во споредба со конкуренцијата, но серијата се истакнува со камерите – највисокиот модел има две перископски телефото камери и поддршка за надворешен телефото модул.