ХОРОР НА ЈАДРАНСКИОТ БРЕГ Осомничен го убил својот брат и неговиот син
Полицијата и обвинителството ја завршија првата фаза од истрагата, а телата се пренесени на обдукција. Според првичните информации, мотивот најверојатно е поврзан со финансиски спорови.
Тешко кривично дело го потресе туристичкиот град Будва – татко и син беа убиени во пукање што се случи денеска на Словенската плажа. Според информациите, осомничен за двојното убиство е 65-годишниот С.С., кој, според извори блиски до истрагата, е брат и чичко на жртвите.
Според полициските наоди, инцидентот произлегол од семејна расправија поврзана со работењето на компанијата за изнајмување чамци „Галеб“. Наводно, до конфликтот дошло поради несогласување околу билети за изнајмување, а сведоци изјавиле дека осомничениот претходно се заканувал дека ќе се пресмета со роднините.
По пукањето, телата на жртвите останале на местото на настанот неколку часа, додека траела форензичката истрага. Настанот се случил во близина на еден локален бар, а осомничениот, по извршеното убиство, останал да седи во блиско кафуле, каде што бил уапсен без отпор. Преживеал еден од внуците, кој успеал да побегне.
Очевидци и роднини сведочат за трауматични сцени – присутните биле во состојба на шок и неверување. Многумина не можеле да прифатат дека дошло до трагедија во која, како што се сомнева, брат го убил својот брат и неговиот син.
Полицијата и обвинителството ја завршија првата фаза од истрагата, а телата се пренесени на обдукција. Според првичните информации, мотивот најверојатно е поврзан со финансиски спорови.
