ХАКЕРСКА ГРУПА ХАНДАЛА – Откриени 100.000 документи за тајни операции на Мосад

Хакерската група „Хандала“ објави над 100.000 класифицирани документи поврзани со висок функционер на израелската разузнавачка служба Мосад. Групата тврди дека ја хакирала е-поштата на поранешната заменик-шефица за надворешни работи на Израел, Дебора Опенхајмер.

Според нив, документите откриваат внатрешни комуникации, тајни операции, медиумски стратегии и мрежи на влијание на Мосад низ целиот свет, пренесува порталот „Press TV“.

„Овие документи ја откриваат вистинската природа на ционизмот и неговите планови против народот“, се наведува во соопштението на „Хандала“.

Хакерската група ги опишува овие акции како „смели“ и насочени кон разоткривање на слабостите во сајбер-инфраструктурата на Мосад, како и кон нарушување на глобалното влијание на израелската разузнавачка мрежа.