GOOGLE СО (НЕ)ОЧЕКУВАН ПОТЕГ Се повлекува од пазарот на таблети

Google официјално објави дека се откажува од развојот на таблет уредите, истакнувајќи дека не предвидува иднина во која уредите поголеми од паметен телефон ќе бидат редовно користени. Оваа одлука доаѓа по речиси две години од лансирањето на Pixel Tablet, а компанијата за Bloomberg изјави дека нови модели нема да бидат развивани додека не се пронајде поразумна иднина за оваа категорија уреди.

Според зборовите на претставниците на Google, во моментов не постои перспектива во блиска иднина во која корисниците би се одлучиле за уреди поголеми од мобилните телефони. Оваа изјава е изненадувачка, особено во контекст на фактот дека Apple продолжува да бележи значителна продажба на iPad, а пазарот на Android таблети не покажува знаци на опаѓање. Компании како Samsung и Xiaomi редовно лансираат нови модели, што дополнително ја комплицира ситуацијата.

Иако е малку веројатно дека Google ќе признае недостатоци во дизајнирањето на софтвер за таблети, аналитичарите укажуваат на тоа како можен фактор за слабата продажба. Наместо тоа, компанијата се повлекува со тврдење дека таблетите повеќе не се смислени. Google Pixel Tablet, кој беше претставен во средината на 2023 година, доаѓаше со 11-инчен LCD екран и Tensor G2 SoC, а имаше и магнетска dock-станица која му овозможуваше да се претвори во паметен хаб. И покрај интересниот концепт, продажбата на овој уред не успеа да ги исполни очекувањата.