ГОЛЕМ ПРЕСВРТ – Цената на нафтата падна под 90 долари

По денови на неизвесност и екстремни осцилации, цените на нафтата доживеаја драматичен пад, спуштајќи се под психолошката граница од 90 долари за барел. Овој пад е резултат на најавите за брз крај на конфликтот меѓу САД и Иран и планираната масовна интервенција на стратешките резерви од страна на Г7.

Американскиот претседател Доналд Трамп изјави за CBS News дека воената кампања против Иран е речиси завршена. Тој истакна дека иранската воена инфраструктура и морнарицата, воздухопловните сили и комуникациите е сериозно десеткувана. Според него, САД се многу понапред од првичната прогноза за времетраење од четири до пет недели.

„Тие немаат морнарица, немаат комуникации, немаат воздухопловни сили. Нивните ракети се сведени на поединечни истрели, а дроновите се разнесуваат насекаде. Ако погледнете, ним не им остана ништо во воена смисла“, рече Трамп.

За да се избегне дополнителен ценовен шок, Г7, во соработка со Меѓународната агенција за енергија (ИЕА), планира ослободување на огромни количини нафта, помеѓу 300 и 400 милиони барели. Оваа интервенција би била двојно поголема од онаа од 2022 година и има за цел да ја неутрализира блокадата во Персискиот Залив и Ормускиот теснец.

Цените на нафтата на Лондонската и Њујоршка берза покажуваат остар пад:

Иако падот е значителен, аналитичарите предупредуваат на претпазливост. Ормускиот теснец сè уште не е целосно функционален, и неговата иднина под американска контрола ќе биде клучен фактор за долгорочна стабилност на снабдувањето.