ГОЛЕМ ПРЕКИН ВО ЦЕНТАРОТ НА ГРАДОТ Без вода поради дефект на булеварот „Крсте Мисирков“

Неколку јавни институции и објекти во централното подрачје на Скопје од утрово се соочуваат со прекин во водоснабдувањето. Водата е исклучена од 7 часот, а без снабдување останаа објектите на МАНУ, Основниот суд 2, Младинскиот културен центар, Универзитетската библиотека „Св. Климент Охридски“, кампусот на Универзитетот „Св. Кирил и Методиј“, трговскиот центар „Мавровка“, делови од Старата скопска чаршија, Саат-кулата, улицата „Отокар Кершовани“, Адвокатската улица и дел од булеварот „Крсте Мисирков“.

Од ЈП „Водовод и канализација“ – Скопје соопштуваат дека проблемот е предизвикан од дефект на водоводната линија на самиот булевар „Крсте Мисирков“. Екипите се на терен и работат на санација на kvarot, а нормализирање на водоснабдувањето се очекува по завршување на интервенцијата.