ГЛАСНА ТИШИНА – Филмот што открива како децата учат да градат мир

Првата детска амбасада во светот, „Меѓаши“, денеска во Кинотеката на Македонија ќе го промовира краткиот документарен филм „Гласна тишина“, во чест на 15-годишнината од нивната програма за мировно образование.

Филмот ги прикажува трансформативните ефекти на програмата и од нејзините почетоци до денешните достигнувања истакнувајќи ја важноста на мировното образование како алатка за градење ненасилна комуникација, доверба и инклузивни заедници. Преку искрени сведоштва на ученици, наставници и реализатори, „Гласна тишина“ испраќа порака дека мирот не е само цел, туку секојдневен избор.

По проекцијата следува дискусија со учесниците, која ќе овозможи подлабоко разгледување на темите од филмот.