ЕКОНОМСКИ КРИМИНАЛ ВО СКОПЈЕ Приведен директор на градско претпријатие
Од надлежните засега нема официјални информации за кривичната основа или за понатамошниот тек на постапката.
Единицата за економски криминал при СВР Скопје денес го приведе директорот на ЈП „Комунална хигиена“ – Скопје, Сабахадин Рустеми. При акцијата, полицијата одзела и дополнителна документација поврзана со работата на претпријатието.
Според првичните информации, приведени се уште две лица, а по комплетирањето на доказниот материјал ќе следи кривична пријава до обвинителството.
Приведувањето доаѓа по неколкумесечни контроверзии околу управувањето со јавната чистота во Скопје и реакциите на институциите на наводните неправилности. Рустеми ја презеде функцијата директор на 29 јануари 2025 година. Претходно беше директор на ЈКП „Сарај“ (2017–2021), а од 2023 до 2024 година работеше како помошник-директор во ЈП „Паркови и зеленило“ – Скопје, во соработка со тогашната градоначалничка Данела Арсовска.
Од надлежните засега нема официјални информации за кривичната основа или за понатамошниот тек на постапката. Во меѓувреме, од градските служби уверуваат дека комуналните активности се одвиваат непречено.
