ЕДИНСТВЕНА МАКЕДОНИЈА Цвеќе и почит на годишнина од загинувањето на војводата Леонид Јанков

Делегација на политичката партија Единствена Македонија по повод годишнината од загинувањето на гевгелискиот војвода Леонид Јанков положи свежо цвеќе на неговиот гроб во Гевгелија.

На денешен ден, 2 септември 1905 година, Леонид Јанков на своите 27 години го даде животот за Македонија. Заедно со своите соборци – комити, во борбата против аскерот одбраа да не паднат живи во рацете на непријателот и храбро го завршија својот пат.

Единствена Македонија ја изразува својата почит кон делото и жртвата на војводата Јанков и неговите соборци, чиј подвиг останува вечен пример за љубов кон татковината.

Да биде жив споменот за Леонид Јанков! Нека се вечни Македонија и Македонците!