ДВА НЕРАБОТНИ ДЕНОВИ СЛЕДНАТА НЕДЕЛА – Еве ги сите неработни денови во 2026

Првиот месец од годината традиционално носи најмногу неработни денови и можности за одмор. Веќе следната недела, 6 јануари (вторник) – Бадник, е неработен ден за православните верници, додека 7 јануари (среда), кога се слави Божиќ, е неработен ден за сите граѓани во Македонија.

По божиќните празници, следува уште еден неработен ден – 19 јануари (понеделник), кога православните верници го одбележуваат Богојавление – Водици. Овој празник воедно го носи и првиот продолжен викенд во 2026 година.

Согласно Законот за празници, ова се неработните денови во 2026 година:

Неработни денови за сите граѓани се:

• 1 јануари (четврток) – Нова година

• 7 јануари (среда) – Божиќ (прв ден, православен календар)

• 20 март (петок) – Рамазан Бајрам (прв ден)

• 13 април (понеделник) – Велигден (втор ден, православен календар)

• 1 мај (петок) – Ден на трудот

• 24 мај (недела) – „Св. Кирил и Методиј“ (неработен е 25 мај – понеделник)

• 2 август (недела) – Илинден (неработен е 3 август – понеделник)

• 8 септември (вторник) – Ден на независноста

• 11 октомври (недела) – Ден на народното востание (неработен е 12 октомври – понеделник)

• 23 октомври (петок) – Ден на македонската револуционерна борба

• 8 декември (вторник) – „Св. Климент Охридски“

За граѓаните од православна вероисповед

• 6 јануари (вторник) – Бадник

• 19 јануари (понеделник) – Богојавление (Водици)

• 10 април (петок) – Велики петок

• 29 мај (петок) – Духовден

• 28 август (петок) – Успение на Пресвета Богородица

За граѓаните од католичка вероисповед

• 6 април (понеделник) – Велигден (втор ден)

• 1 ноември (недела) – Сите светци

• 25 декември (петок) – Божиќ

За граѓанире од муслиманска вероисповед

• 27 мај (среда) – Курбан Бајрам (прв ден)

Неработни денови по заедници

• Албанска заедница: 22 ноември (недела) – Ден на албанската азбука

• Српска заедница: 27 јануари (вторник) – Свети Сава

• Ромска заедница: 8 април (среда) – Меѓународен ден на Ромите

• Влашка заедница: 23 мај (сабота) – Национален ден на Власите

• Еврејска заедница: 21 септември (понеделник) – Јом Кипур

• Бошњачка заедница: 28 септември (понеделник) – Меѓународен ден на Бошњаците

• Турска заедница: 21 декември (понеделник) – Ден на настава на турски јазик