ДРЖАВЕН УДАР ВО ГВИНЕЈА-БИСАО Претседателот уапсен во својата палата

Претседателот на Гвинеја-Бисао, Умару Сисоко Ембало, денеска околу пладне изјави дека бил уапсен во својата канцеларија во претседателската палата, поради, како што тврди, обид за државен удар.

Според неговите зборови, заедно со него биле приведени и началникот на Генералштабот, генерал Биаге На Нтан, заменик-началникот на Генералштабот, генерал Мамаду Туре, како и министерот за внатрешни работи, Боче Канде.

Ембало истакна дека според неговите информации, против приведените службеници не е употребена сила. Тој го обвини командантот на армијата за организирање на обидот за државен удар.