ДОАЃА НОВА ГЕНЕРАЦИЈА НА ВЕШТАЧКА ИНТЕЛИГЕНЦИЈА Подобрено разбирање, логичко размислување и поголема безбедност при генерирање одговори
Основниот модел ќе биде достапен за јавноста, додека „Pro“ верзијата, наменета за професионални корисници и компании, ќе чини околу 200 долари месечно.
OpenAI наскоро ќе ја претстави новата генерација на свои модели на вештачка интелигенција — GPT-5.1, заедно со напредните верзии GPT-5.1 Reasoning и GPT-5.1 Pro, објави BleepingComputer.
Основниот модел ќе биде достапен за јавноста, додека „Pro“ верзијата, наменета за професионални корисници и компании, ќе чини околу 200 долари месечно. Сите модели ќе бидат интегрирани во Microsoft Azure, што укажува дека лансирањето е блиску — можно во наредните недели.
GPT-5.1 нема да донесе радикални промени во однос на GPT-5, туку подобрено разбирање, логичко расудување и поголема безбедност при генерирање одговори. Посебен акцент е ставен на верзијата Reasoning, која ќе нуди поточни и пософистицирани решенија за комплексни задачи.
OpenAI го задржува темпото на нови изданија на секои 3–4 месеци, а доколку најавите се потврдат, GPT-5.1 би можел да стане најбрзиот и најсигурен модел досега, дополнително зајакнувајќи ја водечката позиција на компанијата во полето на вештачката интелигенција.
