ДИГИТАЛНА ПРИВАТНОСТ – Контрола над вашите податоци
Совети за дигитална хигиена и како да ја намалите количината податоци што компаниите ги собираат.
Алгоритмите ги следат вашите пребарувања, локација и интернет навики за да предвидат што би сакале да купите и понекогаш дури и пред да го кажете тоа на глас.
Многу луѓе имаат чувство дека нивниот телефон ги прислушува. Доволно е да зборувате за одреден производ, а кратко потоа да видите реклама за него на интернет или социјалните мрежи.
Технолошките компании како Google и Meta велат дека не ги користат микрофоните за рекламирање. Всушност, овие реклами се толку прецизни затоа што алгоритмите анализираат огромна количина информации: вашите пребарувања, посетени страници, апликации што ги користите и времето што го поминувате гледајќи одредени содржини.
На пример, ако гледате видеа за рецепти или следите инфлуенсери за храна, системот може да предвиди какви производи би ве интересирале и да прикаже реклами за нив. Често мозокот го поврзува тоа со неодамнешниот разговор, иако всушност алгоритамот го планирал порано.
Понекогаш рекламите се прикажуваат и на другите уреди во истата Wi-Fi мрежа, затоа што системите ги поврзуваат уредите во ист дом.
Експертите за сајбер-безбедност велат дека постојано прислушкување на звук за милијарди корисници би било технички и правно многу тешко. Сепак, гласовните асистенти како Google Assistant или Siri постојано „слушаат“ одредени команди, што создава чувство дека уредите ве следат постојано.
Затоа, експертите советуваат да внимавате на дигиталната приватност: намалете ги дозволите за микрофон, исклучете ја историјата на локација и ограничете ги персонализираните реклами.
Контролата над вашите дигитални податоци не е параноја, туку основна дигитална хигиена во свет каде што алгоритмите стануваат сè попаметни.
