ДИГИТАЛИЗАЦИЈА НА УСЛУГИТЕ – МВР со нова дигитална платформа за изгубени документи

Министерството за внатрешни работи воведува ново веб-решение за автоматска размена на податоци за изгубени или украдени документи, кои треба да бидат објавени како неважечки во Службен весник. Наместо досегашната комуникација по електронска пошта, податоците сега ќе се пренесуваат преку Националната платформа за интероперабилност.

Со новиот систем, Службен весник автоматски ќе ги презема и објавува пријавените документи, а МВР потоа автоматски ги ажурира своите бази. Ова значи побрза постапка за добивање нов документ и значително поефикасен процес за граѓаните и институциите.

МВР продолжува со дигитализацијата, со цел да понуди поквалитетни и побрзи услуги.