ДЕМОКРАТИЈАТА Е МРТВА ВО БУРКИНА ФАСО – Воениот лидер го прогласи крајот на изборите

Воениот лидер на Буркина Фасо, Ибрахим Траоре, изјави дека земјата нема да се фокусира на демократијата и дека „демократијата убива“. Тој најави дека нема да има избори додека земјата не стане доволно безбедна за гласање.

Траоре, кој ја презеде власта со државен удар во септември 2022 година, претходно ветил избори во 2024 година, но сега вели дека приоритет се други предизвици. Во разговор со новинари, тој нагласи дека „демократијата не е за нас“ и го спомена примерот на Либија, каде странците се обиделе да „наметнат демократија“.

Во јануари, воената влада распушти повеќе од 100 политички партии, вклучувајќи 15 во парламентот по изборите во 2020 година.

Соседните Мали и Нигер, исто така под воена власт, спроведуваат слични политики. Во последната деценија, исламистичките бунтови во овие три земји предизвикаа илјадници жртви и милиони раселени лица.

Хјуман рајтс воч во извештајот објави дека воените сили на Буркина Фасо и нивните сојузници убиле повеќе цивили од исламистичките милитанти во 2023 година, но владата не го коментираше извештајот.