ДАВИДЕ АНЧЕЛОТИ ДОБИ ПРВА САМОСТОЈНА ТРЕНЕРСКА УЛОГА – ќе го води шампионот Ботафого
Анчелоти помладиот има 35 години и беше асистент на својот татко во последните девет сезони, работејќи во врвни клубови како Баерн Минхен, Наполи, Евертон и Реал Мадрид.
Давиде Анчелоти, синот на легендарниот италијански тренер Карло Анчелоти, ја доби својата прва самостојна работа како тренер, преземајќи го кормилото на бразилскиот фудбалски гигант Ботафого – актуелен шампион на Бразил и Јужна Америка.
Анчелоти помладиот има 35 години и беше асистент на својот татко во последните девет сезони, работејќи во врвни клубови како Баерн Минхен, Наполи, Евертон и Реал Мадрид. Тој ја комбинираше таа улога и со позицијата во бразилската репрезентација, каде што Карло Анчелоти е актуелен селектор.
Иако беше поврзуван со Глазгов Ренџерс, Давиде на крајот се одлучи за предизвикот во Јужна Америка. Тој го презема Ботафого во момент кога клубот се обидува да ја стабилизира сезоната по заминувањето на тренерот Артур Хорхе и неуспешната епизода на Ренато Паива, кој беше отпуштен минатата недела.
Во тековната сезона, Ботафого привлече внимание со победата над ПСЖ во групната фаза од Клупското светско првенство, но беше елиминиран од Палмеирас во осминафиналето.
Клубот е во сопственост на американскиот инвеститор Џон Текстор, кој поседува и удели во Лион и Кристал Палас, и се надева дека Анчелоти ќе донесе европски пристап и стабилност на долг рок.
