ЦКБ ВО 2025 ГОДИНА – Стабилен раст и позитивни резултати

Централна кооперативна банка ја заврши 2025 година со добри финансиски резултати, во услови на стабилен раст на потрошувачката, зголемени инфраструктурни инвестиции и подобрена надворешна побарувачка. Добивката пред оданочување изнесува 13,64 милиони денари, додека нето-профитот е 10.775 илјади денари, што претставува намалување од 24,6% во споредба со 2024 година.

Во областа на кредитите, банката оствари умерен, но стабилен раст. Во четвртото тримесечје, кредитите и побарувањата од други комитенти пораснаа за 5% и достигнаа 8.032.393 илјади денари. Растот е пред сè резултат на зголемено кредитирање на граѓаните.

Депозитите кај ЦКБ достигнаа 13.101.644 илјади денари, со годишен раст од 20%. Проширувањето на депозитната база е поттикнато од повисоките каматни стапки, што придонесе за раст на расходите за камати од 15%.

Вкупните приходи од камати се зголемени за 9% и изнесуваат 570.621 илјади денари, додека нето-каматниот приход бележи раст од 6%, достигнувајќи 348.928 илјади денари.

Приходите од провизии се зголемени за 7%, а нето-приходите од провизии и надоместоци бележат раст од 1% на годишно ниво. Дополнително, нето-приходите од курсни разлики пораснаа за 19%, додека останатите приходи од дејноста забележаа раст од 25%.

Трошоците за вработените се зголемени за 12%, останувајќи на планираното ниво, додека останатите расходи од дејноста пораснаа за 8%.

Еден од најважните показатели за раст е вкупната актива, која на крајот од годината достигна 15.293.432 илјади денари, со раст од 17% и надминување на планираното ниво, реализирајќи 108% од годишниот план.