БЛОКАДИ НА ГРАНИЦИТЕ – Умерен сообраќај во внатрешноста

Денеска (27.01.) сообраќајот на државните патишта се одвива непречено, по претежно влажни коловози. Слаб снег врне на планинските превои Попова Шапка и Ѓавато, но засега не се задржува на коловозот.

Поради тековни протести, блокирани се повеќе гранични премини за влез и излез од државата. Детални информации за состојбата на граничните премини се достапни во известувањето на „Макам-Транс“.

АМСМ потсетува дека од 15 ноември 2025 година во сила е законската обврска за задолжително поседување зимска опрема во сите возила, без оглед на временските услови. Оваа обврска важи до 15 март 2026 година.

Интензитетот на сообраќај надвор од градските средини е умерен. На граничните премини, од македонска страна, нема подолги задржувања за патнички возила и автобуси.

АМСМ апелира до возачите да ја прилагодат брзината на движење, да ја почитуваат сообраќајната сигнализација и да управуваат внимателно, особено на патиштата низ котлини, речни долини и клисури, каде постои зголемен ризик од одрони. Посебна внимателност се препорачува на делниците: Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен преку Националниот парк Галичица е затворен за сообраќај за сите видови возила во периодот од 21 ноември 2025 до 31 март 2026 година.