БЛИСКУ, НО СЕПАК ДАЛЕКУ – Јувентус уште не го договорил трансферот на Муани

Торинскиот клуб Јувентус, под водство на хрватскиот стратег Игор Тудор, е на добар пат да постигне договор со ПСЖ за продолжување на соработката со францускиот напаѓач Рандал Коло Муани (26). Според информации од италијанските медиуми, последната понуда на „Старата дама“ ги надминува очекувањата на европскиот шампион.

Јувентус нуди десет милиони евра за едногодишна позајмица, со обврска за откуп на играчот следното лето за 50 милиони евра. Коло Муани, кој има договор со ПСЖ до јуни 2028 година, минатата сезона помина на позајмица во Јувентус, каде остави силен впечаток со своите настапи.

Тој постигна десет гола и забележа три асистенции, а италијанските медиуми го опишуваат како идеален пример за „модерната деветка“. Со оглед на неговите изведби, Јувентус е решен да го задржи во своите редови.