АВИОСООБРАЌАЈОТ КОН БЛИСКИОТ ИСТОК ВО ЗАСТОЈ Десетици авиокомпании ги откажуваат летовите

Поради влошената безбедносна состојба во Блискиот Исток, бројни авиокомпании ги откажаа летовите до Израел, Иран, Ирак, Јордан, Либан и Сирија, а дел најавија избегнување на воздушниот простор над овие земји.

„Егеан ерлајнс“ ги откажа летовите до Тел Авив до 12 јули и до Бејрут, Аман и Ербил до 28 јуни. „ерБалтик“ суспендира летови до Тел Авив до 30 септември, а „Аерофлот“ ги прекина летовите до Техеран. Слични мерки презедоа и „Иберија експрес“, „Ер Франс“, „КаЕлЕм“, „Бритиш ервејс“, „Луфтханза“, „Јунајтед“, „Делта“, „Виз ер“, „Емирати“, „Етихад“, „Флајдубаи“, „Таром“, „Тус ервејс“ и други.

Израелските авиокомпании, вклучувајќи ја „Ел Ал“, имаат ограничени летови до крајот на јуни.