СКОПСКО ЛЕТО, вечерва настапува белгиската танцова група „Инкар“

Во рамки на 65. издание на фестивалот „Скопско лето“, вечерва (17 јули) со почеток од 20:00 часот во Сули ан ќе настапи белгиската полупрофесионална танцова група Incar Dansspektakel од Лебеке, Источна Фландрија.

Групата постои повеќе од 60 години и е препознатлива по својот придонес кон фламанската културна сцена. Во 2023 година го одбележа својот 65-годишен јубилеј со претставата „IC65“.

Билетите за настанот се достапни на karti.com.mk и ќе се продаваат и на самиот влез од Сули ан.

Фестивалот „Скопско лето“ продолжува со богата програма до крајот на јули на повеќе локации низ градот.